WELSH MEDIUM: To protect or develop a natural area? That is the question! NW300 / K23

Crynodeb:

Mae cais am ddatblygiad manwerthu a hamdden mawr y tu allan i’r dref wedi’i gyflwyno gan gwmni datblygu masnachol.  A fydd pwyllgor cynllunio’r Cyngor yn cefnogi awgrymiadau’r cyfranwyr mentrus, creadigol sydd am ddatblygu’r tir, hybu’r economi leol, a chreu swyddi? Neu a fydd gwrthwynebiadau dinasyddion egwyddorol, gwybodus sydd am warchod y dirwedd ar gyfer cenedlaethau’r dyfodol, yn eu perswadio i wrthod y cynnig? 

Mae’r gair ‘cynefin’ yn cyfleu mwy na dim ond lleoliad daearyddol: gellir ei ddefnyddio i ddisgrifio ein perthynas â’r amgylchedd naturiol a sut mae’r cysylltiad hwnnw’n ffurfio ein hunaniaeth, ein llesiant, a’n hymdeimlad o berthyn.  Bydd y cwrs yma’n cynnig cyfle i gyfranogwyr fyfyrio ar hanes, diwylliant, ysbrydolrwydd, a threftadaeth yr ardal wrth archwilio’r cysyniad o gynefin. 

Bydd y sesiwn hyfforddi hon yn rhannu cyfres o weithgareddau trawsgwricwlaidd a fydd yn rhoi syniadau i addysgwyr i annog dysgu yn yr amgylchedd naturiol, dysgu amdano a dysgu ar ei gyfer.  Gyda’r Cwricwlwm i Gymru fel canllaw, bydd cyfranogwyr yn ystyried rhinweddau/anfanteision y cais cynllunio drwy’r 6 maes dysgu a phrofiad.

Mae’r cwrs hyfforddi hwn yn cynnig hyfforddiant wyneb yn wyneb mewn partneriaeth â STEM Learning UK a Techniquest.  Mae ‘Bwrsariaeth ENTHUSE’ gwerth £165 ar gael i bob athro sy’n mynychu i fynd at gostau cyflenwi.